21 лютага ў свеце адзначаецца Міжнародны дзень роднай мовы. У дзіцячым садзе гэты дзень заўсёды праходзіць насычана. З усіх куточкаў дашкольнай установы гучыць беларуская мова – прыгожая, ласкавая, меладычная. Праграма цікавых мерапрыемстваў ахоплівае дзяўчынак і хлопчыкаў усіх узроставых груп.
З самага рання педагогі сустракалі выхаванцаў і іх бацькоў прывітаннем на роднай мове. Беларускія народныя гульні былі ўключаны ў розныя рэжымныя моманты. Выхаванцы чыталі вершы на роднай мове, прымалі удзел у віктарынах, з задавальненнем слухалі беларускія народныя казкі.
Таксама дзеці старэйшых груп наведвалі бібліятэку СШ №9.